കുഞ്ചാക്കോ ബോബന്‍, ഇന്ദ്രജിത്ത്‌, മമതാ മോഹന്‍ദാസ്‌ തുടങ്ങിയവര്‍ മുഖ്യകഥാപാത്രങ്ങളാകുന്ന `റേസ്‌' ജനുവരിയില്‍ തീയറ്ററുകളിലെത്തും. മിനിസ്‌ക്രീന്‍ രംഗത്തെ മുന്‍നിര ബാനറായ പെന്റാവിഷന്‍ ഒരുക്കുന്ന ചിത്രം സംവിധാനം ചെയ്‌തിരിക്കുന്നത്‌ കുക്കു സുരേന്ദ്രനാണ്‌. ഡോ. എബി ജോണും ഭാര്യയും കുട്ടിയുമടങ്ങുന്ന കുടുംബത്തിന്റെ രസകരമായ കഥയാണ്‌ ചിത്രം പറയുന്നത്‌. സമാധാനപരമായ കുടുംബജീവിതം നയിക്കുന്ന എബിയുടെ കുടുംബത്തിലുണ്ടാകുന്ന അസാധാരണമായ ചില കല്ലുകടികളും ചിത്രം പങ്കുവയ്‌ക്കുന്നു. ജഗതിശ്രീകുമാര്‍, ഗീതാവിജയന്‍, ബേബി അങ്കിത, ഗൗരി, ശ്രീജിത്ത്‌ രവി തുടങ്ങിയവരാണ്‌ മറ്റ്‌ അഭിനേതാക്കള്‍.
ജോസ്‌ കെ. ജോര്‍ജും ഷാജി മേച്ചേരിയും ചേര്‍ന്ന്‌ നിര്‍മ്മിക്കുന്ന ചിത്രത്തിലെ വയലാര്‍ ശരത്‌ചന്ദ്രവര്‍മ്മയുടെയും രാജീവ്‌ നായരുടെയും വരികള്‍ക്ക്‌ വിശ്വജിത്താണ്‌ സംഗീതമൊരുക്കുന്നത്‌. ക്യാമറ - പ്രമോദ്‌ കെ. വര്‍മ്മ. വണ്‍മീഡിയലാബ്‌ ചിത്രം തീയറ്ററുകളിലെത്തിക്കും
No comments:
Post a Comment